Hætt í fýlu

Ákvað í morgun að ég nennti ekki að vera lengur í fýlu. Hún bætir ekki fótskömmina né þau mistök sem ég gerði með iðnaðarmanninn. Er ekki annars í tísku að vera í gallabuxum undir pilsum og kjólum?

Fjandi lét ég  iðnaðarmanninn plata mig illa, slík reynsla kemur óorði á stéttina en ég þykist vita að flestir séu heiðarlegir. En svona plat er ansi kostnaðarsamt, hm........ Skriflegur samningur næst, búin að læra fyrir lífstíð.

Sótti Kötuna út á völl upp úr hádegi, mikil gleði í herbúðum. Haffinn úti í Eyjum, árshátíð hjá VKP með stæl.  Auðvitað áttum við Katan okkar ,,quality time" í  sófanum eins og vera ber með sjónvarpið á um stund. Gerði heiðarlega tilraun til að norpa úti í sólinni í rokinu en gafst fljótlega upp. Þóttist þó sinna garðvinnu að einhverju leyti en engar komu freknurnar.

Hellti mér út í gardínusaum,  verkefni sem hefur beðið ærið lengi og þær komnar upp, slysalaust. Nokkrar eftir þó, stefni að því að klára þær á næstu dögum

Er ákveðin í að nota sumarið vel til framkvæmda og tiltekta sem hafa beðið allt of lengi, þræla krökkunum út eins og ég mögulega get áður en þau halda út aftur í ágúst. Stefni að því að skríða á botninum eftir beðum og  moldvarpast á morgun, stinga niður blómum hér og þar. Illgresið reiti ég upp og losa mig snarlega við það. 

Ég forðast að horfa aftur á bak eða áfram

og reyni að horfa bara upp á við.

(CHarlotte Bronté) 

Athugasemdir

[Hólmdís Hjartardóttir, 27.6.2008 kl. 23:36]

Nú líst mér á þig....

[Sigrún Óskars, 27.6.2008 kl. 23:46]

Tískan er akkúrat buxur og pils yfir  

Njóttu þín í blómabeðunum, það er svo gaman að liggja þar og horfa á blómin, hlusta á suðið í flugunum og horfa á orma og margfættlur   

[Þorsteinn Valur Baldvinsson, 28.6.2008 kl. 08:38]

Veit ekki Guðrún, þætti eflaust enn skrýtnari ef ég færi í pils yfir gallabuxurnar.

[Ragnheiður , 28.6.2008 kl. 15:56]

Ég frestaði garðvinnu vegna veðurs..hehe. Ætla að einhenda mér í þetta bráðlega...ég verð að nenna að gera eitthvað í fallega garðinum mínum

[Hólmdís Hjartardóttir, 28.6.2008 kl. 17:09]

Lestu blogg Lilju G. Bolladóttur