Sófadýr

Hef aldrei á ævi minni horft jafn mikið á sjónvarp og undanfarna viku. Heilsufarið bágborið og farið versnandi. Kemur sér að krakkarnir eru duglegir hér heima við, væri ansi illa sett án þeirra. Minn aðalvettvangur hefur verið sófinn þrátt fyrir heiðarlegar tilraunir til annars.  Ekki endilega það sem ég hafði hugsað mér í sumar. 

Fengið eitt og eitt ,,kjafsthögg" á öðrum vettvangi að undanförnu sem ég er að reyna að höndla, finn þó að þrekið hefur minnkað í þeim efnum. Er orðin ofboðslega þreytt á þessum höggum, sérstaklega þegar málin eru ekki beinlínis á mínu færi að leysa þau heldur háð öðrum. Þessu virðist seint ætla að linna, fortíðadraugar og söguleg óheppni. Kerfið stíft og ósveigjanlegt og erfiðleikar með ákveðna einstaklinga í uppsiglingu. Sumir kunna sér ekki hóf og virða engin takmörk. Yfirgangur og virðingaleysi sem ég hef ætíð átt erfitt með að sætta mig við. Hef minni en engan áhuga á einhverju stríði við umrædda aðila en einhvers staðar verður að setja fótinn niður.

Styttist í tékk og rannsóknir, fæ vonandi svör og einhverja úrlausn mála. Finnst þessi gæði ansi bágborin, satt best að segja. Mér hefur fundist ærið að kljást við blessaða löppina svo annað færi ekki líka í steik, enn og aftur. Geng um gólf flestar nætur, friðlaus af verkjum og það sama gildir um aðra tíma sólahringsins. Næturnar einhvern veginn þó verstar, kannski af því maður vill vera sofandi þá og finnur meira fyrir hlutum þá. Hef spænt upp hverjur krossgátublaðinu af fætur öðru upp á síðkastið. Krakkarnir miður sín, eðilega enda fátt sem virkar og erfitt að dylja ástandið fyrir þeim.

Hef því ekki verið dugleg við að rækta sambönd við aðra, orkan farið í að kljást við krankleikan, standa sína pligt og ekki í neinu formi til að spjalla. Grrrrrrrrr hvað mér leiðist þetta. Ég mun þó takast á við það sem framundan er, ekkert annað í stöðunni en hef sjaldan þurft jafnmikið á ,,gulrót" að halda og nú. Þarf að bíta á jaxlinn og urra mig í gegnum þetta allt. 

Er komin með upp í kok af sjónvarpsglápi. Við mægður sátum saman í gærkvöldi og reyndum að þræla okkur í gegnum einhverjar bíómyndir. Það gekk þó ekki betur en svo að við dottuðum báðar fyrir framan imban. Næsta skrefið verður að þræða myndbandaleigurnar og sjá hvort ekki er hægt að finna eitthvað krassandi á meðan ástandið er eins og það er.

Vænti þess að vera komin með einhverjar niðurstöður þegar líður á vikuna og í framhaldi af því verði hægt að grípa til einhverra aðgerða til að bæta ástandið. Vona að ,,andinn" hellist yfir mig svo ég fái kraft til að kljást við þau leiðindamál sem eru uppi á borðum.  Vonandi eru þau síðustu málin sem eru frá minni fyrrum heimabyggð og ég þarf að vinna úr. Aðfarirnar verið með ólíkindum enda verður þeim þeim gerð ítarleg skil á öðrum vettvangi. Þangað til eru það litlu skrefin, aðalatriðið er að gera sitt besta, meira getur maður ekki gert. Þó það dugi ekki alltaf er ég  rosalega  fegin að þurfa ekki að taka skrefin ein og skelfing verður gott þegar þetta ástand gengur yfir, í víðasta skilingi þeirra orða. Það kemur að því að það styttir upp.

 

 

 

 

Athugasemdir

[Georg Eiður Arnarson, 13.7.2008 kl. 23:05]

Gulrótar kveðjur.

[Hólmdís Hjartardóttir, 13.7.2008 kl. 23:06]

Guðrún Jóna leiðinlegt að heyra um heilsuna og aðra erfiðleika.  Þinn tími mun koma

[Guðrún Jóna Gunnarsdóttir, 13.7.2008 kl. 23:12]

Takk Georg, einmitt það sem mig vantaði

Ég vil trúa því Hólmdís að sá tími mun koma en fjandi getur verið erfitt að bíða

[Aðalsteinn Baldursson, 14.7.2008 kl. 01:01]

Farðu vel með þig. Vonandi styttist í betri líðan .

[Linda Linnet Hilmarsdóttir, 14.7.2008 kl. 01:01]

Elsku hjartans Guðrún mín,ég veit hreint ekki hvað ég á að segjasorlegt að heyra hvað þér líður ílla elskan mín og hve hægt þetta gengur,ef ég gæti þá myndi ég vilja styðja þig við að bera allan þennan þunga sem þú berð á bakinu og getað hellt úr honum það sem þar á ekki að vera,það væri yndislegt ef það væri hægt en ás´tin mín ég skal biðja fyrir þér í bænum mínum og kveikja þér hlýlegt kertaljósknús á þig elsku vínkona mín og sofðu rótt og reyndu að hvíla þitt fallega og hreina hjarta mín ljúfust

Góða nótt og megi allar góðar Guðsvættir þig vernda og styrkja og hans fallegu Englahópur