Loksins, loksins.......

Þá liggur fyrir að Vilhjálmur ætlar að bakka og eftirláta öðrum stólinn. Hættir þó ekki alveg, fær að ljúka ferlinum ,,með reisn" eftir 28 ár í borgarpólitíkinni.  Hann velur Hönnu Birnu sem eftirmann sinn, trúlega það skynsamlega í stöðunni en úff, hún er soddan ,,kuldaboli" að það hálfa væri nóg. Í hvert sinn sem hún tekur til máls er hún hvöss, þurr á manninn og alltaf eins og hún sé reið. Í vörn? Ég veit ekki. Hún er ugglaust hörkudugleg og ákveðin er hún en mikið vantar á ,,karisma" í hennar persónuleika. Ábyggilega góður stjórnandi og harður húsbóndi en ég er ekki viss um að hún sé leiðtogi að sama skapi. Menn munu hins vegar ekki komast upp með neitt múður undir hennar stjórn.

Menn skáluðu í kampavín í tilefni dagsins. Kannski einhverjum hafi dottið í hug að hella mýkingarefni í glas væntanlegs borgastjóra. Það kynni að verka.

Hver  áhrif þessa síðbúna útspils Sjálfstæðismanna kemur til með að hafa áhrif á fylgi þeirra í kosningunum 2010 er trúlega of snemmt að spá fyrir um. Maður skyldi ælta að sjálfstæðisflokkur ásamt fulltrúm Íslandshreyfingarinnar væru búnir að koma sér út úr pólitík ævilangt eftir frammisöðu síðustu tveggja ára. Það sama mætti segja um fulltrúa Samfylkingarinnar og VG en fulltrúar allra  flokka hafa gerst sekir um sama athhæfið. Þeir hafa fallið í þann pyttinn að taka persónulegan metnað og valdaþorsta fram yfir hagsmuni borgarbúa. Það eitt ætti að þurrka þess kjörnu fulltrúa út af kortinu í næstu kosningum

Kosningahegðun landans hefur hins vegar sýnt það í gegnum tíðina að ,,pólitísk" minni þeirra er á við minni gullfiska.  Það sem gert er á hluta þeirra í dag er gleymt ámorgun, hvað þá eftir 2 ár.

Hanna Birna verður borgarstjóri

Athugasemdir

[Ragnheiður , 7.6.2008 kl. 19:40]

Já en nú er okkar að minna gullfiskana á Guðrún Jóna. Það mun ég reyna að gera. Þessi borgarstjórnarflokkur sjallanna er handónýtur frá a til ö. Það er mín bjargfasta skoðun, þú athugar að ég er kjósandi sjálfstæðismannanna en nú verður breyting á.

Mér sýnist , á hundavaði, sonurinn hafa brillerað á prófinu, hva ! Hann rúllar þessu upp drengurinn.

Kær kveðja

[Hólmdís Hjartardóttir, 7.6.2008 kl. 19:52]

Sammála hverju orði

[Guðrún Jóna Gunnarsdóttir, 7.6.2008 kl. 22:18]

Sæl Ragnheiður, jú strákurinn rúllaði upp prófinu, á 4 eftir. Orðinn ansi próflesinn og á erfitt með að halda einbeitingunni. langar heim enda búin að ,,kúra" ansi lengi. Þetta er erfiðasta próftímabilið á ferlinum, eftir þetta verður allt léttara. Þetta er að hafast

[Sigrún Óskars, 8.6.2008 kl. 21:06]

Ég held að Hanna Birna sé betri en Vilhjálmur. Hef samt mjög lítið vit á þessu, en held samt að hún sé ekki í "spillingunni" eins og Vilhjálmur.