Eldar loga

Nú loga eldar stafnanna á milli innan Framsóknarflokksins. Rætnar árásir á einstaka meðlimi og fulltrúa, svo rætnar að hver fjölskylda hlýtur að kikna undan þeim. Kjörnir fulltrúar eru nefnilega ekki einir, að baki þeim stendur yfirleitt einhver fjölskylda. Henni er ekkki hlíft.

Ég þekki slíkar árásir af persónulegri reynslu og það gerir fjölskylda mín einnig. Við fengum að kynnast ólyfjan framsóknrmennskunnar svo um munar og það gerðu fleiri af mínu ættslegti, heldur betur. Þó það sé sagt að mönnun hefnist einhvern tíman fyrir vélbrögð, þá er það nú svo að þegar kemur að því er ekki beint sætt bragð upp í manni. Það má rétt vera að menn eigi það skilið að súpa seyðið af eigin ólyfjan og sennilega er það mun erfiðara en þegar þeir byrla það öðrum en þegar kemur að skuldadögum getur maður óskað öðrum svo illt?

Ég er hreinlega döpur eftir að hafa fylgst með því skítkasti sem hefur átt sér stað innan Framsóknaflokkisns að undanförnu. Ætti að fagna því að sú rætni sem þar ríkir skuli vera komin upp á yfirborðið og þjóðinni ljós. En ég get það ekki, svo mannskemmandi er hún að ég óska engum svo ills að lenda fyrir henni. 

Það er hins vegar augljóst að núverandi forysta ræður ekki við neitt, enda trúlega jafn sýkt og innviðirnir.   Oft hefur mér að orði að flokkurinn sé liðinn undir lok, hvernig má annað vera miðað við þá spillingu sem þar ríkir?  Þegar svona er komið, er réttast að forystan víki sem og klíkurnar og hleypi grasrótinni að til að byggja upp úr rústunum. Nú verða menn að kannast við og bregðast við eigin vitjunartíma áður en fleiri einstaklingar og fjölskyldur liggja í valnum. Það að þreyja þorran með rómantískan glampa í augunum er ekki að virka í nútíma þjóðfélagi. Menn verða að fara að viðurkenna að þetta er búið spil.

Athugasemdir

[Þorsteinn Valur Baldvinsson, 24.1.2008 kl. 12:18]

Skil ég rétt að Guðni þurfi að pakka niður núna og fara heim

[Hólmdís Hjartardóttir, 24.1.2008 kl. 12:19]

Það vill enginn svona persónulegt skítkast í pólitík. Svona umræður eiga ekki heima á opinberum vettvangi

[Guðrún Jóna Gunnarsdóttir, 24.1.2008 kl. 13:16]

Já, nú er tímabært fyrir Guðna, Valgerði, Siv og skósveina að pakka niður og leyfa þeim sem enn hafa hugsjónir Framsóknarflokksins að leiðarljósi, að byggja upp.

[Linda Linnet Hilmarsdóttir, 24.1.2008 kl. 13:17]

kvitt-kvitt og kveðjur

[Guðrún Jóna Gunnarsdóttir, 24.1.2008 kl. 23:35]

Mikið rétt hjá þér Stýri, Halldór ber svo sannarlega ábyrgðina á stöðu flokksins en það gerir Guðni reyndar líka. Hann þagði þunnu hljóði til að halda friðinn við sinn formann, hefði átt að stíga fram og vinna með grasrótinni sem var bullandi óánægð. Hann hefði komið sterkar út ef hann hefði verið trúr sinni sannfæringu, held ég.

Varðandi Guðjón Ólaf, þá er hann búinn að stimpla sig út úr pólitíkinni vona ég en hvaða starf er maðurinn að fara að taka að sér???? Nú veit ég ekki meir

[Guðrún Jóna Gunnarsdóttir, 25.1.2008 kl. 08:12]

Takk fyrir innlitið, mín kæra, já pólitíkin er skrítin tík og mannskemmandi. Vonandi fer siðferðið að lagast á þeim vettvangi.  Farðu vel með þig