Biðin endalausa

Ekkert símtal, engar fréttir í dag.  Ótrúlega langur og dauflegur dagur, satt best að segja. Andlaus og ekkert frumkvæði. Kláraði vinnudaginn skammlaust af skyldurækni, hefði mátt vera meira að gera. Status quo hvað varðar heilsufarið  .

Virðist eiginlega seinheppin þegar kemur að rannsóknum og greiningu, lendi alltaf í endalausri bið. Nú eru að verða 2 vikur síðan ég hitti lækni minn, lenti enn og aftur í bið eftir tækjum og rannsóknum og nú eftir niðurstöðum. Mér sýnist flestir byrja á rannsóknunum og hitta svo sinn lækni, jafnvel daginn eftir. Hálf pirrandi, mér finnst þetta ekki þurfa að vera svona en einmitt lýsir þetta því frábæra heilbrigðiskerfi sem ýmsir stjórnmálamenn róma og lofa.  Ekki er skilvirkninni fyrir að fara á þeim bænum, svo vægt sé tekið til orða.  Í öllu falli leiðist mér bið, neikvæð upplifun á kerfinu rifjast óþyrmilega upp, mér til mikillar gleði

Fremur drungalegt yfir en ég fagna þó rigningunni.  Ekki veitti af vætunni, gróðurinn "sólbrunninn" og skrælnaður.  Hins vegar er augljóst að daginn er farið að stytta, dimmir um tíma á næturna.  Minni mann óneitanlega á það að haustið nálgast. Reyndar eru haustin uppáhaldstíminn minn og kvíði ég engu í þeim efnum. Fer að koma tími til að undirbúa kennsluna í vetur, hlakka mikið til að byrja aftur.  Finnst eiginlega komið nóg af sumarvinnunni, hefði gjarnan viljað vera í fríi í ágúst þar sem krakkarnir fara út í kringum 20. Langar að gera eitthvað skemmtilegt með þeim áður en þau fara.

"Engar fréttir eru góðar fréttir" segir máltækið.  Ég verð að trúa því þar til annað kemur í ljós.

Athugasemdir

[kata (IP-tala skráð) 23.7.2007 kl. 22:05]

Þetta verða góðar fréttir:)

En ég vildi kommenta á þetta blogg í sambandi við bloggið um örlagadaginn.. Ef einhver missti af þeim þætti þá er annar sýndur næ. sunnudag um sama málefni, þ.e. sjálfsvíg og afleiðingar þess.

Ég hvet alla til að horfa á hann.

[Guðrún Jóna Gunnarsdóttir, 23.7.2007 kl. 22:50]

Sammála þér með þáttinn, það hefðu allir gott af því hugleiða sjálfsvíg og afleiðingar þess.  Fæstir geta ímyndað sér það hvernig það er, aðdragandinn, atburðurinn og eftirköstin.

Fréttirnar verða auðvitað góðar, dóttir kær, bara óvenju bragðdaufur og leiðinlegur dagur. Kannski mig vanti fleiri verkefni........ Hef ekki verið þekkt fyrir þolinmæði í gegnum tíðina, vil hlutina núna

[sigga (IP-tala skráð) 24.7.2007 kl. 10:01]

Sæl Guðrún Jóna ég rakst á bloggið þitt og vildi kvitta fyrir mig og jafnframt senda þér baráttukveðju í veikindunum!

 bkv.  Sigga sjúkraliði (sem ætlar að skella sér í hjúkrun í haust  )