Hægt og bítandi

Það hefur verið rólegt yfir Engjaselinu síðustu dagana og frúin lítt til framkvæmda. Krakkarnir hafa reynt að bæta upp það sem á vantar hjá þeirri gömlu af miklum myndaskap þannig að það saxast á sum verkefnin. Önnur flóknari sem ég  ein get leyst, hafa setið á hakanum þar sem ég hef einfaldlegan ekki verið fær um að sinna þeim. Það hefur haft og mun hafa einhverjar afleiðingar, við því er fátt að gera en að mæta þeim. Eitt er víst að kerfið eirir engum.

Það gengur hægt og bítandi með verkjastillinguna, nætursvefninn hefur lengst og dúrarnir á daginn að sama skapi. Engar niðurstöður fyrr en á þriðjudag og ræðst þá hvort ég þurfi í fleiri rannsóknir. Mér finnst það afar líklegt. Það var ,,hvíslað" í eyru mér eftir beinaskannið að ekkert sæist óvenjulegt við fyrstu sýn. Má ekki treysta því en gefur mér góðar vonir engu að síður. Líðanin hefur smám saman að vera að lagast en á enn langt í land. Það verður auðveldara að kljást við ástandið þegar niðurstöður liggja fyrir í síðasta lagi á þriðjudag.

Er orðin pinuleið á þessum uppákomum, viðurkenni það fúslega. Nenni ekki að standa í veikindum oga barlómi. Hafði háleitar hugmyndir um sumarið en þetta er í fyrsta skiptið í 27 ár sem ég hef ekki unnið í sumarfríi mínu. Farið að síga ískyggilega á seinni part sumarsins og haustið að nálgast. Ekki það að haustið er ,,minn tími" þannig að ég kvíði því ekki en þá verða krakkarnir flognir út aftur í skólan.  Það hefur hins vegar ekkert upp á sig að væla yfir orðnum hlut, ég fæ engu breytt um það sem liðið er. Næsta skref er því að skipuleggja tíman í haust og reyna að finna eitthvað skemmtilegt út úr því.

Þarf fljótlega að fara að taka ákvarðanir um stefnuna í haust, er ekki enn viss hvert ég vil stefna. Vil taka mér góðan tíma  til ákvarðana en verð að gæta mín á því að falla samt ekki á honum. Þessi veikindi setja óneitanlega strik í reikninginn og tefur málin aðeins.

Einhvers staðar stendur; ,,upp, upp mín sál................." Allt tekur á enda og óvissan skýrist. Þangað til er bara að draga andan djúpt og telja upp á 10!

Athugasemdir

[Anna Einarsdóttir, 20.7.2008 kl. 23:43]

Mikið vona ég að niðurstöðurnar leiði til lækninga og betri líðan.

[Hólmdís Hjartardóttir, 21.7.2008 kl. 00:16]

[Sigrún Jónsdóttir, 21.7.2008 kl. 00:21]

krosslegg fingur

[Ragnheiður , 21.7.2008 kl. 05:47]

Já vonandi verða niðurstöðurnar góðar, annað er ekki í boði

[Linda Linnet Hilmarsdóttir, 21.7.2008 kl. 13:40]

krosslegg líka fingur og tærknús á þig elskuleg

[Guðrún Jóna Gunnarsdóttir, 21.7.2008 kl. 15:39]

Ekki annað í i stöðunni en jákvæðar fréttir miðað við hlýjar og hugsanir og kveðjur. Nú ef ekki það sem ég vil heyra , þá gagnast þær við að höndla næstu skref.

[Sigga Skúla (IP-tala skráð) 21.7.2008 kl. 19:53]

Já vonandi fer lífið að snúast þér í hag Tími til kominn! Fylgist með þér þótt ég kommenti ekki oft. Sé líka að þú hefur auga með okkur Baráttukveðja SHS

[Ragnheiður , 22.7.2008 kl. 16:38]

Mín kæra

það kemur ekkert bréf frá þér og ég leit við til að sjá hvort ég sæi email hér, man núna að það getur leynst á einum stað enn en ef ekki þá er mitt

[e-mail]