Ánægjulegar fréttir

Það gladdi mitt litla hjarta að lesa þessa frétt í morgun. Stytting á biðtíma og forgangsröðun í höndum fagfólks. Sjúklingar teknir beint inn í stað þess að híma á biðstofunni í miður þægilegum stólum. Mér finnst þetta svo stórkostlegar fréttir að mér finnst ástæða til að fjalla sérstaklega um þær. Skil ekki af hverju forráðamenn gerðu þessar breytingar ekki fyrr.

Ástandið búið að vera bagalegt árum saman og allflestir gerar sér grein fyrir því að það er ekki komandi á slysa- og bráðamóttökuna nema á bláum ljósum í sjúkrabíl. Fólk hefur einmitt hneykslast á mér fyrir að hafa ekki farið í sjúkrabíl forðum daga en ég er greinilega föst í gamla tímanum og finnst sjúkraflutningur vera neyðarflutningur. Það er svo annað mál.

Í öllu falli ætti að vera auðvelt að bæta aðgengi að bráðaþjónustunni með skýrum verkferlum og verkefnastjórnun.  Það er ekki flókið verkefni að greina flöskuhálsa, samræma og bæta ferlana og auka þannig afköst og stytta biðtíman. Árangurinn tvímælalaust jákvæður fyrir alla aðila, ánægðir sjúklingar og ánægt starfsfólk sem finnur að störf þeirra eru að skila árangri. Reksturinn væntanlega hagkvæmari og tíminn betur nýttur. Mistökin færri og meðferðin markvissari. Hugsanlega verður starfsmannaveltan minni og deildin eftirsóknarverðari vinnustaður.

Pólitíkusar hagnast á breytingunni með auknum vinsældum, embættismannakerfið fær jákvæðari umfjöllun og öll dýrin í skóginum vinir.

Flott framtak!

Breytingar á slysadeild

Athugasemdir

[Sigrún Jónsdóttir, 13.6.2008 kl. 23:16]

Þetta er gott.  Mér skilst að biðlistar á hjúkrunarheimilin séu líka að tæmast, vegna breyttrar "forgangsröðunar".

[Linda Linnet Hilmarsdóttir, 13.6.2008 kl. 23:21]

´Hún Melkorka mín datt um daginn og tognaði í hálsinum,Gunnar fór með hana og hann sagði að þetta væri allt annað lífþau voru þarna í einn og hálfan tíma og það´þykir ekki langur tímiannars knús´inn í nóttina elsku Guðrún Jóna mín

[Guðrún Jóna Gunnarsdóttir, 14.6.2008 kl. 00:05]

Það var löngu orðið tímabært að endurskoða ferlin og á það ekki síst við um biðlistana á öldrunarstofnunum. Önnur sjónarmið en til var ætlast réðu greinilega för á þeim vettvangi. Vonandi halda þessar breytingar áfram og á fleiri sviðum

Gott að heyra að dóttir þín þurfti ekki að bíða lengur en raun bar vitni. Takk fyrir hlýjar kveðjur