Marktæk kosning?

Ég hlýt að velta því fyrir mér hvort þessi kosning um kjarasamning aðildafélaga BSRB við ríkið sé marktæk. Einungis 33,4% atkvæðabærra manna greiddu atkvæði.  Af þessum þriðjung atkvæðabærra manna voru um 89% þeirra sáttir við samninginn. Tæplega 11% á móti.  Rúmlega 66% sáu ekki ástæðu til að nýta atkvæðarétt sinn. Ekki hægt að túlka það á annan hátt en að menn séu mjög sáttir.

Til hvers í ósköpunum var barist um atkvæðarétt okkar á síðustu öld? Fólk hefur greinilega ekkert með hann að gera miðað við þessa staðreyndir og augljóst að nóg er að stéttarfélögin annist samningagerðina með öllu.

Mér finnst ekki hægt að túlka þessa atkvæðagreiðslu með öðrum hætti en að menn séu mjög sáttir við sínar 20 þús. krónur eða sem svarar 9% hækkun launa, ef ég man rétt. Hlutfall þeirra sem kusu bendir jafnframt til yfirgnæfandi stuðnings við forystu BSRB og aðildafélaganna. 

Þó hækkandi vísitala, verðlag, eldsneytiskosnaður og hvaðeina einkenni efnahagslífið eru menn sáttir. Það myndi hljóma ansi hjákátlega ef menn færu síðan að kvarta í efnahagskreppunni eða hvað?

Ég er greinilega af gamla skólanum, er orðlaus!

Félagar í SFR samþykktu samning við ríkið

Athugasemdir

[Sigrún Jónsdóttir, 12.6.2008 kl. 23:32]

Ég leyfi mér að túlka þessa niðurstöðu og þátttökuleysi með öðrum hætti.  Mér finnst þátttökuleysið benda til að aðildarfélagar hundsi þessar kosningar þar sem ekki virtist vera vilji hjá forustunni til að berjast.  Hvernig er hægt að halda úti baráttu ef forustan er áhugalaus og hefur gefist upp?

Ég finn mikla reiði í kringum mig og það hefði ekki þurft mikla hvatningu frá "forystusauðum" til að virkja félaganna í aðgerðir af einhverju tagi.  

Best að segja ekki meira í bili annað en að ég vona að samstaðan sé góð hjá hjúkrunarfræðingum og að þeir standi þétt við bakið á sinni forystu! Ég styð þá.

[Guðrún Jóna Gunnarsdóttir, 13.6.2008 kl. 00:10]

Það er einmitt svo sárt að vita til þess að menn hundsi kosningar sem þessar, etv. í þeim tilgangi að lýsa yfir vantrausti á forystuna eins og hugsanlega í þessu tilviki. Þögn er sama og samþykki stendur einhvers staðar og slæmt þegar fólk notar ekki atkvæðarétt sinn. Fólk á einmitt að rísa upp þegar forystan klikkar, það gerði hún svo sannarlega í þessu tilviki og maður hlýtur að velta fyrir sér hvaða hvatit lágu að baki því að samþykkja þennan snautlega samning. Ekki virðist hagur félagsmanna hafa verið leiðarljósið. Þessa samninga átti að fella!

Ég er sjálf ofboðslega reið fyrir hönd félagsmanna BSRB og aðildafélaga og döður yfir því hvernig fór. Vona að hjúkrunarfræðingar standi saman sem og aðrar stéttir innan BHM, það yrði góður skellur á forystu BSRB ef sú samstaða myndi skila betri samningum.  Hjartans þakkir fyrir stuðninginn,  vonandi gengur þetta upp.

[Vésteinn Valgarðsson, 13.6.2008 kl. 01:02]

Það er umtalsverð óánægja meðal ráðgjafa og stuðningsfulltrúa með að hafa ekki fengið leiðréttingu launa okkar. En greinilega ekki næg til þess að fella samninginn. Nú er ekkert annað að gera en að nýta þessa 9 mánuði vel til að undirbúa nýja kjarasamninga næsta vor.

[Guðrún Jóna Gunnarsdóttir, 13.6.2008 kl. 22:16]

Það er einmitt það jákvæða við þessa samninga að þeir eru til skamms tíma. Efnahagsástandið á eftir að versna og því enn meiri ástæða til að nýta tíman vel. Trúi ekki öðru en að menn nái betri samstöðu næst