Það skelfur meira en jörðin!

Háalvarleg staða á Suðurlandinu sem ekki er enn séð fyrir endan á. Mér fannst reyndar fréttir svolítið lengi að berast, einkum af slysum manna og ástandi húsa og enn virðist eiga eftir að skoða dreifbýlið betur, fara á bæina, meta slys á mönnum og dýrum og skoða skemmdir. Eins og staðan er núna virðist þetta hafa sloppið ótrúlega vel en menn auðvitað í losti yfir þessum hamförum og margir eiga sárt um að binda.

Mennirnir eru máttvana gagnvart náttúruöflunum, það sýnir sig enn og aftur. Það gegnir öðru máli um hamfarir af öðrum toga; pólitíkinni. Þar eru hamfarirnar beinlínis af mannavöldum og oft geta menn brugðist við á þeim vettvangi.

Á sama tíma menn voru að berjast við náttúruna á Suðurlandi, hristist jörðin og skalf í minni, fyrrum heimasveit. Þar voru menn að ganga endanlega frá sveitarstjóranum og slíta meirihlutasamstarfi.  Ástæðuna er ekki að finna í málefnaágreiningi. Meirihlutalistarnir höfðu gert samkomulag um að oddviti N-listans myndi gegna starfi sveitarstjóra í 2 ár, síðan yrði staðan endurmetin. Oddviti H-listans ákveður að það endurmat fari fram undir dagskráliðnum ,,önnur mál" á fundi sveitarstjórnar fyrir viku síðan og þá í formi tillögu þess efnis að segja upp sveitarstjóranum. Hefði verið eðlilegra að þau mál væru rædd á milli lista og sett síðan á formlega dagskrá.   Oddvitanum reyndist illmögulegt að ganga hreint til verks enda ekki vanur því fremur en forrennarar hans. Það tíðkast að stinga menn í bakið á þeim bænum. 

Oddviti H-lista er  nú komin í meirihlutaviðræður við VG og ég fórna höndum. Fagurgalinn þvílíkur að það er auðvelt að láta blekkjast enda vinurinn þrautþjálfaður í blekkingum.  Skyldu menn láta glepjast?  Eru VG menn búnir að gleyma undirferlinu, valdagræðginni og undirlægjuhættinum sem þeir urðu þó beinlínis vitni af og hófst fyrir fyrir 5 árum? Getur það verið að menn séu svona fljótir að gleyma? Ég vil ekki trúa því.

Það þarf sérstakan karakter til að smeygja sér inn undir hjá fólki, skapa trúnað og traust, gera sig ,,ómissandi" og gildan í samfélaginu. Það er erfitt að berjast gegn slíkum einstaklingum, kafbátum vil ég segja, sér í lagi ef þeir gegna mikilvægum trúnaðarstörfum sem eru íbúum ómissandi í krafti embættis og starfs síns. Þeir eru nú samt margir sem hafa séð í gegnum þetta, sem betur fer.

Sveitastjórinn og hans stuðningsmenn eiga ekkert að vera undrandi á þessari stöðu og hefður átt að vera búnir að undirbúa sig betur. Svo virðist sem þessi staða hafi komið þeim á óvart ef marka má fréttir af málinu. Þetta hefur þó legið í loftinu frá upphafi.  Umræddur  sveitarstjóri og næsti maður hans á lista, hétu okkur Guðjóni því hátíðlega að í samstarf við oddvita H-listans myndu þeir aldrei fara. Honum væri ekki treystandi. Mynduðu meirihluta svo skömmu síðar þannig að ekkert er heilagt í pólitíkinni eins og við flest þekkjum. Kosningaloforð eru oft einskins virði þegar atkvæðin eru komin í kassan.

En hvað vakir fyrir ofurlækninum er ekki gott að segja. Ekki virðist hann ætla sér sveitastjórastöðuna sjálfur. Hann vill auglýsa. Kannski hann stefni á oddvitan, ég veit ekki. Hann er náttúrlega valdamesti aðilinn í sveitarfélaginu sem formaður byggðaráðs. Vill ugglaust halda þeim völdum eða hvað?

Skrautfjöðrum hans fer fækkandi þó , hann missir sinn yfirlæknistitil um næstu áramót. Ég þykist vita að það verði honum ansi erfitt áfall að komast yfir, enda maður sem vill ráða öllu, eins og honum varð einhvern tíman sjálfum að orði. Gárungarnir segja mér að hann sé hættur við að reisa sitt tæpl. 400 fm hús, láti grunninn standa, þrátt fyrir skilyrði um að reisa þar hús innan tilskilins frests sem er löngu liðinn.  Gróa á Leiti talar um erfiða stöðu hans í viðkvæmum málum.  Það kemur mér ekki á óvart. 

Eitt er þó víst að hann er með einhverja strategiu á takteininum, ekki sá allra klókasti kannski en þó hafa menn oft blindast af fagurgalanum. Menn eru auðvitað í uppnámi, enn og aftur eru átök í málefnum sveitarstjórnar. Nú þegar allt átti að vera dottið í dúnalogn, allir vinir.  Ekki hef ég komið þar nálægt málum og erfitt að kenna mér  um. Hver skyldi vera bakarinn núna? 

Hvað sem öllum fagurgala líður þá hefur ástandið verið erfitt síðustu árin í minni, fyrrum heimabyggð og ég hef vikið að áður. Þar eru menn í vondum málum sem ekki hljóta náðina fyrir augum ráðamanna og komast hvergi inn í ,,klíkuna". Margir sjá að grasið er grænna hinum megin enda eru heilu fjölskyldunar búnar að fá nóg og eru á förum. Skal engan undra. Ekki við mig að sakast líkt og áður tíðkaðist.

Sveitastjórinn og hans fjölskylda verða nú fyrir barðinu á þeim öflum sem hafa verið allsráðandi um langt skeið. Þau eiga samúð mína alla, það er ekkert grín að missa lífsviðurværi sitt, búsetuskilyrði, svo ekki sé minnst á mannorð, æru og fjárhag. Það er einlæg von mín að Dalamenn rísi nú upp í eitt skipti fyrir öll. Ég vona einnig að það ágæta fólk í VG láti ekki glepjast og sjái í gegnum  fagurgalan.

Æðri stjórnvöld aðhafast ekki þó stjórnsýslu- og sveitarstjórnarlög séu brotin hvað eftir annað nema að menn sendi inn kvörtun eða stjórnsýslukæru. Það verða menn að fara að horfast í augu við. Hvaða íbúi sem er, er í þeirri stöðu að kalla til æðri stjórnvöld og á ekki að hika við það. Sveitarfélög og sveitarstjórn er fyrir samfélagið og íbúana en ekki fyrir menn sem mistota sér stöðu sína og völd. Það er ekkert skemmtilegt að standa í slíkum málum en það er heldur ekkert grín þegar lýðræðið er fótum troðið. 

Ætli það sé ekki farið að vera nokkuð augljóst hver meinsemdin er í samfélaginu og hver málatilbúnaðurinn hefur verið gagnvart þeim sem hafa þótt vera einhver ógn. Ég hef trú á því en hversu margir munu liggja í valnum áður en meinsemdin er fjarlægð er erfitt að segja til um. Það er undir íbúunum sjálfum komið. Menn verða að fara hrista af sér dofan og gera samfélagið að þeim draumastað sem það getur orðið. Sveitarfélagið hefur allt með sér, staðsetninguna, fegurðina og mannlífið. Það þarf að hreinsa endalega út meinsemdina. Sterkasta vopnið er að sameinast suður fyrir brekku, tilheyra stærra sveitarfélagi og vængstífa þannig þá sem ekki kunna að fara með völd.

Enn og aftur hallarekstur á dvalar- og hjúkrunarheimilinu en enginn veit með vissu hver hann er utan sveitarstjórnar enda umfjöllun og rekstur í höndum byggðaráðs og þar með ofurlæknisins. Staðan sjaldan opinberuð.  Bókfærður halli nú um 9 milljónir, hver skyldi hann vera í reynd og af hverju er halli árum saman? Hvað skyldi valda því að ársreikningar voru fyrst samþykktir í maílok?

Eftir lestur minn á nýsamþykktri fundargerð sveitarstjórnar er ljóst að VG hafa fallið fyrir fagurgalanum og eru á leið í meirihlutasamstarf með superboy. Ansi er ég hrædd um að þeir eigi eftir að sjá eftir þeirri ákvörðun sinni þegar fram í sækir. Hvað þá?

 

Athugasemdir

[Sigrún Óskars, 29.5.2008 kl. 21:15]

Það er satt að pólitískt minni okkar er ekkert og þegar atkvæðin eru komin í kassan þá falla loforðin úr gildi. Þetta á víða við. Vona að allt fari vel í Dalabyggð. Kveðja til þín Guðrún, í vorkverkunum

[Gyða (IP-tala skráð) 30.5.2008 kl. 15:25]

  "í samstarf við oddvita H-listans myndu þeir aldrei fara" auðvita
breytist það þegar um tvennt slæmt er að velja! Þótt Þórður súperlæknir (
jafn ótrúlega heimskur og hann er) þá eru VG líka graut-heimskir! (afsakið
orðbragðið)

Þetta blessaða sam"félag" er svo blint af öfundsýki, stjórnsemi og
valdagræðgi að það er ekki hægt að gera neinum til geðs þarna! Fullorðið
fólk er að gera sig að fíflum með því að skrifa hin og þessi bréf um hversu
allt sé ömurlegt, en gera svo ekki rassgat til að bæta neitt! H-listinn og
VG eiga eftir að skíta uppá bak og klúðra öllu sem er í byggingu og því sem
gert hefur verið seinustu 2 ár.

Þórður segir að það megi hafa samband við hann á meðan annar sveitasjóri er
ekki kominn...GLÆTAN...Þórður að vinna, þá meina ég að strita af sér
rassgatið og fá aldrei frí...sé það ekki gerast! og hvað...núna þegar hann
á von á barni, ætlar hann þá aftur í ársleyfi? Það er ekkert hægt, og ekki
held ég að hann verði sáttur þegar hann getur ekki tekið neitt
frí og þurfi því að vinna í alvöru í staðin fyrir að liggja í leti! Sjáum
til hvort hann standi við það að ætla að "vinna" á maðan óskað er eftir
öðrum sveitasjóra....

...ég veðja á að hann geri ekki rassgat!

[Guðrún Jóna Gunnarsdóttir, 30.5.2008 kl. 20:30]

Ég veit að staðan var erfið eftir síðustu kosningar og aðstæður breytast. Þessi gjörningur superboys kemur mér hins vegar ekkert á óvart, hvorki ákvörðunin né aðgerðafræðin.

Auðvitað sækist vinurinn eftir áhrifum og tilbúin að ,,bjarga málum" þrátt fyrir að vera á sólahringsvöktum í hinu starfinu sínu. Þar virðist hann geta haft hlutina eftir eigin höfði.  Það kemur hins vegar alltaf af því að menn sem eru allt í öllu misstigi sig, það getur enginn verið alls staðar, í öllu, á öllum  tímum án þess að einhverjar fórnir verði. 

Samfélagið er sjúkt, það segir þú satt en ástæðuna er fyrst og fremst að finna í valdabrölti örfárra manna sem fengu þó það fylgi sem þeir fengu í síðustu kosningum. Þetta verður aldrei gott fyrr en búið er að hreinsa meinsemdina út og sameina sveitarfélagið suður fyrir brekku. Þá komast menn ekki upp með þau vinnubrögð sem hafa verið stunduð. 

Gangi ykkur vel Gyða mín. Það er erfitt að standa í svona átökum, láttu mig þekkja það.

[Gyða (IP-tala skráð) 30.5.2008 kl. 20:48]

allir ættu bara að taka sig saman og mótmæla þessum helvítans vanvitum!!!

 Þetta á ALDREI eftir að ganga!!

og ég veit að súperlæknirinn á aldrei eftir að gera neitt og kemur öllu á einhvern annan....hann vill hafa öll völd en vill þó ekki þurfa að vinna fyrir þeim, né þeim verkum sem hann vill láta gera!!!

 Við fjölskyldan stöndum alltaf saman og látum þessa fávita ekki pirra okkur, og hvað þá draga okkur niður! Erum sterkarli og klárari en það! :)