Tipl

Hjartans þakkir fyrir kveðjurnar öll sömul.

Nú er bara tiplað á tánum, stigið varlega til jarðar og fingur krossaðir til að rífa ekki upp plásturinn. Engu má muna og lítið þarf til. Apótekið átti einungis útrunnin lyf á föstudaginn og fékk ég því aðeins lágmarksskammt yfir helgina. Dugir varla til en það kemur sér vel að mér þykir undurgott að sofa. Ástandi tæpt en sleppur til, í öllu falli allt annað líf en í síðustu viku. Vill maður ekki alltaf meira....

Þetta ástand kennir manni að njóta lífsins á meðan vel gengur og minnir mann á að góð heilsa er ekki sjálfgefin og sjálfsögð. Bíð spennt eftir varanlegum breytingum á þessu ástandi, mér finnst vorið vera komið í loftið og daginn aldeilis farið að lengja. Ætla mér að vera komin í fanta form í      maí

Enn og aftur komið að kaflaskilum eða straumhvörfum í mínu lífi, svo ég gerist nú skáldleg.  Ekki endilega á þeim tíma sem ég hafði vænst eða valið sjálf en sumt ræður maður ekki við. Ekkert annað að gera en að vinna úr þeirri staðreynd. Kannski gott að eitthvað utanaðkomandi hafi orðið til þess að ýta við mér að taka ákvarðanir en er ekki svo að maður vill ráða förinni sjálfur???  Er búin að vera ansi lengi á bremsunni á grænu ljósi. Nú dugar ekkert annað til en að bretta upp ermar og ákveða hver stefnan verður inn í framtíðina. Ekki laust við smá titring engu að síður, óvissa aldrei góð og framtíðin óljós. Ekki nýtt svo sem, aldrei lognmolla í kringum mig, á ekki von á því að það breytist.

Nú er að sjá hvað örlaganorninar ætla sér með mig

 

 

 

Athugasemdir

[Þorsteinn Valur Baldvinsson, 9.3.2008 kl. 12:52]

Þú getur líka litið á þetta sem tækifæri, þegar maður lendir á krossgötum lífsins er maður oftast hálf skelkaður og óöruggur, því val er vandasamt, en að hafa nánast ekkert val er vont, en skapa öryggistilfinningu.

Líttu á þetta sem nýtt spennandi tækifæri til að fást við, hvað svo sem verkefnið er.

[Linda Linnet Hilmarsdóttir, 9.3.2008 kl. 19:13]

Knús knús og kossar til þín,elsku Guðrún Jóna mín,ég hugsa til þín og kveikji á kertaljósi og hef þig í bænum mínum elsku vina mín,þú ert yndislegkveðja Linda og Isabel Diljá situr hér hjá mér og vill senda þér sínar kveðjur

[Katrín, 9.3.2008 kl. 23:09]

Gott að lyfin sem þú fékkst duga til að halda þér verkjalausri.

Skil ekkert í rósamálinu þínu...þú talar bara í gátum

[Hólmdís Hjartardóttir, 10.3.2008 kl. 00:36]

Ætlarðu í forsetaframboð ???

[Georg Eiður Arnarson, 10.3.2008 kl. 11:07]

Gleðilegt vor.