Anda djúpt og ...............

Fékk góð og holl ráð við síðustu færslu, orð sem sannarlega hittu í mark og komu mér niður á jörðina. Í stað þess að horfa í örvæntingu til allra átta er skynsamlegra að "láta sig fljóta" aðeins og bíða átekta. Lausnin ratar til manns og málin leysast á réttum tímapunkti. Í öllu falli þegar maður sjálfur er tilbúinn

Það að finna ekki kompásinn, vera rammvilltur, þurfa að taka til ótal, mismunandi aðstæðna og aðila á sama tíma og þóknast öllum, getur gert hvern mann vitlausan og í raun ekki á færi eins eða neins. Ætla að einbeita mér að verkefnum dagsins hverju sinni og gera mitt besta.

Búin að fá staðfestingu á fimmtudeginum, fer í sneið og skann skv. áætlun. Réttir varahlutir rötuðu í hús, var mér tjáð í dag.  Niðurstöður vonandi eftir helgi. 

Komst á góðan skrið seinni partinn við að byrja á erfiðum málum, kannski er staðan ekki eins vonlaus og ég hélt, hver veit?  Það verður bara að koma í ljós. Enginn sófalúr í dag og verkirnir eftir því. Er komin í gang sem skiptir öllu máli. Nú er að halda dampi og gæta þess að pompa ekki niður. Af nógu er að taka næstu daga og vikur, nú reynir á að draga andan djúpt ot telja upp á tíu

Athugasemdir

[gummi (IP-tala skráð) 17.7.2007 kl. 00:57]

knús

[Gíslína Erlendsdóttir, 17.7.2007 kl. 21:53]

Gott að heyra. trúi á þig. Ég kvittaði í gestabókina og svaraði þar nokkrum spurningum sem þú lagðir fyrir mig á mbl.blogginu. Gangi þér vel á fimmtudaginn.

[Guðrún Jóna Gunnarsdóttir, 18.7.2007 kl. 14:46]

Knús til baka elsku Gummi, takk

[Guðrún Jóna Gunnarsdóttir, 18.7.2007 kl. 14:49]

Kærar þakkir Gíslína, það var virkilega gaman að fá svörin, verð í sambandi via tölvupóstinn, mér sýnist ástæða til að skoða ættarsögu e-ð betur.

Reyni að hugsa sem minnst um fimmtudaginn en óttalega er kveikurinn eitthvað stuttur upp á síðkastið......

[Guðmundur (IP-tala skráð) 19.7.2007 kl. 18:23]

Ekkert að þakka knúsið, það er bara gaman að sjá að þú virðist vera að ná einhverjum vopnum.  Allavega farin að hvæsa

Sendu mér smá línu á netfangið mitt.

Stórt knús frá stóra GJG