Svefnpurka

Þá fór þessi dagur í það sama og í gær, svefn 

Ótrúlega erfitt að færa sig úr rúmi yfir í sófann til að halda áfram að sofa þar. Reif mig upp seinni partinn til að þrífa aðeins í kringum mig. Geri aðrir betur!  Ég er auðvitað alveg "mögnuð" kona og held að það sé leitun að annarri eins.  Það fara ekki margir í skóna mína

Var satt best að segja mjög glöð að sólin skyldi ekki heiðra okkur með nærveru sinni í dag, lmórallinn væri enn verri en hún er, hefði hún skinið.

Vona að batteríin séu full hlaðin eftir þessa helgina, orkueyðslan hjá mér var nánast engin enda aukakílóin farin að setjast á sína fyrri staði.

Spennandi vika framundan og Eiríksstaðahátíðin um helgina. Þýðir ekkert annað en að mæta.  Hitti Sigga Bö á miðvikudag þannig að boltinn fer að fara á fleygiferð. Veit ekki ennþá hvernig rannsóknaplanið verður en til stendur að skoða allt gaumgæfilega.  Er nokkuð viss um að allt komi vel út, verð trúlega skömmuð fyrir að hafa farið að vinna en þá er bara að taka því. Storka samt ekki örlögunum með því að vera of sigurviss og tek því sem höndum ber, hver sem niðurstaðan verður.