Guðrún Jóna Gunnarsdóttir

2.7.2007 | 21:57

Vinnudagur 1

Var komin upp um kl.06 og þá býsna hress. Heldur framlægri eftir því sem leið á daginn en fékk krakkana til að grilla undir kvöldið. Það var eins og við manninn mælt, gjörsamlega sprungin á því yfir fréttunum og slokknaði á mér líkt og kertaljósi. Ný skriðin úr sófanum, ekki í formi. Grrrrrrrrrrrrrr

Er nú satt best að segja ansi nærri því að gefast upp á sumarvinnunni, finn að ég þarf lengri tíma til endurhæfingar. Hef litið á vinnuna sem eins konar endurhæfingu en dagarnir of langir býst ég við. Líst ekki á þetta og tek því fremur illa. Ætti kannski að athuga með styttri vinnudaga??? Úff, ég veit ekki. Hlutirnir virðast seint ætla að ganga snuðrulaust hjá mér eins og hjá venjulegu fólki. Verð stundum þreytt á því.

Vissi svo sem að ég var að fara of snemma af stað en hvað gerir maður ekki þegar öll sund virðast lokuð? Ég reyni í það minnst að klóra í bakkann, mér er það eðlislægt og fellur það ekki vel að þurfa að gefast upp. Best að sjá aðeins til, verð að sætta mig við að geta ekki nýtt mér góða veðrið á virkum dögum. Verst hvað erfitt er að einbeita sér að sjónvarpinu, það er ekkert spennandi í því Poppið klikkar þó ekki. Sjáum til hvað morgudagurinn ber í skauti sér, einn dagur í einu og áfram pínulitlu skrefin. "Ég skal, get og vil" stendur einhvers staðar.......................

Flokkur: Bloggar | Facebook

Athugasemdir

Velkomin á Moggabloggið Gunna mín. Mér sýnist það liggja á borðinu að þú þyrftir að stytta vinnudaginn mín kæra. Það er ekkert líf að leiggja eins og klessa eftir vinnudaginn. Nei nei bara að horast í augu við staðreyndir, viðurkenna að getan er bara ekki meiri eins og er og halda áfram með bataferlið.

Æ það er svo gott að vera sú sem gefur ráð...ikke?

Katrín, 3.7.2007 kl. 01:00

Takk fyrir það, líst einhvern veginn betur á þetta forrit, meiri möguleikar.

Jú, það er alltaf auðveldara að gefa ráðin en að fara eftir þeim sjálfur Klessa er einmitt rétta lýsingin! Þarn komstu með það

Reyni aðeins að þrjóskast við, má eiginlega til,svo hábölvað sem það er. Þrái ekkert heitara en að geta notið sumarsins og góða veðursins og einbeita mér að bataferlinu. En hefur þetta ekki alltaf verið svona hjá mér,"on the hard way"