Frá Kötu

Hæhæ.

Mamma bað mig um að setja nokkrar línur hérna inn til að leyfa ykkur að fylgjast með. 

Síðustu daga hefur henni versnað af verkjum og verið mjög ólík sjálfri sér.  Á miðvikudaginn var staðan orðin það slæm að við náðum að sannfæra hana um að fara upp á bráðarmóttöku. Við tók margra klukkustunda ferli eins og búast mátti við.  Einhverjar rannsóknir voru gerðar og var ákveðið að leggja hana inn á 11 E.  

Í dag sást á myndum gat á maganum sem er nálægt þar sem hún fékk gat síðast.  Miklir verkir fylgja þessu en sú unga stendur sig eins og hetja þarna niður frá.  Það fer vel um hana þarna en hún er í tvíbýli og fólkið á deildinni er afskaplega yndælt.

 Mun hún liggja einhverja daga inni og fara í frekari rannsóknir og hvílast.  

Vildi hún að ég kæmi því til skila að hún væri sko heldur betur ekki dauð úr öllum æðum og myndi birtast á skjánum innan tíðar!   Ef ég þekki hana rétt mun þessi sterka, yndislega kona koma hoppandi af deildinni! 

Jákvæðir straumar eru vel þegnir! =)

kærar kveðjur frá Ungverjalandinu,

Katrín Björg

 

Athugasemdir

[Sigrún Jónsdóttir, 27.11.2008 kl. 21:42]

Takk fyrir Kata ég hef verið að hugsa til hennar.  Knús og bestu bataóskir

[Ragnheiður , 27.11.2008 kl. 22:00]

Elsku Kata, það hlaut að vera eitthvað, þetta var orðin of löng þögn. Bestu kveðjur til ykkar krakkanna, vont fyrir ykkur og hana að fjarlægðin er svona mikil.

Hún kemur brátt stökkvandi -það er ég viss um en ég ætla að fá fleiri með mér í fyrirbænirnar og birta tengil hingað á síðunni minni...sem er enn nokkuð mikið lesin.

Knús á alla línuna

[Anna Einarsdóttir, 27.11.2008 kl. 22:15]

Viltu skila hlýrri kveðju til hennar frá mér og segja henni að ég hlakka til að fá hana aftur. 

[Marta smarta, 27.11.2008 kl. 22:17]

Já vona að þetta sé aðeins stutt bakslag, sendi mínar bestu hugsanir og bænir til ykkar.

[Brynja skordal, 27.11.2008 kl. 22:25]

[Hólmdís Hjartardóttir, 28.11.2008 kl. 00:59]

Sæl Kata mín....skilaðu góðri kveðju frá mér.  Við hér vissum að eitthvað væri að því hún hefur ekkert skrifað í nokkra daga.  Hún kemur fílefld eftir nokkra daga..

[Sigþóra (IP-tala skráð) 28.11.2008 kl. 05:13]

Skilaðu hjartans baráttukveðjum tll hennar frá mér. Hlakk til að fá hana hér aftur og vonandi sem allra allra fyrst.  

[Inga (IP-tala skráð) 28.11.2008 kl. 07:35]

Takk fyrir að láta vita. Innilegar kveðjur

[hm (IP-tala skráð) 28.11.2008 kl. 07:57]

Takk fyrir að láta vita.  Sendi hörkunaglakveðjur til hennar.

[Dagný Kristinsdóttir, 28.11.2008 kl. 09:31]

Knús á ykkur.

kv. Dagný

[Georg Eiður Arnarson, 28.11.2008 kl. 10:40]

Baráttukveðjur frá mér .

[Sigurlaug B. Gröndal, 28.11.2008 kl. 15:01]

Kærar kveðjur með ósku um góðan bata.

[Erna Hákonardóttir Pomrenke, 30.11.2008 kl. 18:40]

Takk fyrir Kata og segðu henni að hennar sé saknað hér á blogginu. Baráttukveðjur til mömmu þinnar og gangi ykkur öllum vel

[Helga Jóh (IP-tala skráð) 2.12.2008 kl. 23:26]

Heldur eru þetta leiðinlegar fréttir Guðrún mín, en ég sendi þér mínar bestu óskir um að allt gangi vel og þú komist sem fyrst heim hress og kát.

Kær kveðja Helga Jóh